NORA AMR الادارة
تاريخ التسجيل : 05/07/2010 العمر : 26 الموقع : https://fatayat1.own0.com
| موضوع: تحذير لكل فتاه - هام جدا و يرجى النشر الخميس مارس 10, 2011 8:29 am | |
| تحذير لكل فتاه - هام جدا و يرجى النشر المزيد من المعلومات انشــــــــــــــــــر هــــــــــــــذا الحـــــــــــدث عـــــن طريـــــــق اسفل صورة البروفيل select Guest to invite اسفل عنوان الايفينت SHARE او من خلال الضغط على تحــــــــــــــذير لكـــــــــل بنـــــــــــت مهــــــــــم جــــــــــدا: نظرا لتعدد حالات الاختطاف وفى ظل الظروف الحاليه يرجى عمل الاتى: ...1-متركبيش تاكسى لوحدك ابدا ولا الصبح ولا بليل لاى ظرف
2-المكروباصات متركبهاش وتكون فاضيه او كلها رجاله لان حصل اختطاف من مكروباصات وكانت ماشيه فالخط لكن الركاب كانو تبع السواق
3-متمشيش لوحدك فالشوارع الجانبيه سواء الصبح او بليل..وطبعا الشوارع الخاليه من الماره ابعدى عنها تماماااااا
4- اتخلى شويه عن اللبس الضيق
5-البنات اللى بتروح دروس او كورسات بليل حصل حالات اختطاف من هناك ياريت لو ابتدائى او اعدادى او حتى ثانوى حد يوصلها ويروح معاها من اهل بيتها
6-حاجه مهمه جدااا بقى لازم تتعمل..لازم كل واحده تكون حاطه معاها حاجه فشنطتها حمايه ليها(صاعق كهربائى-اسبراى اللى بيتحط فيه الشطه-لو مش عارفه تشتريه اعمليه انتى فالبيت اشترى ازازه برفان بتاعت التركيب من اى محل واعملى انتى المكونات وتكون طبعا حاميه جداا-لو مش عارفه تشترى او تعملى حاجه من الحاجات دى ولو وصل الامر حطى اى اسبريه من الحاجات بتاعت الحشرات والله مش بهزر لان التركيبه بتاعتها مؤثره برده-اى وسيله لازم تبقى معاكى فالشنطه) وتكونى مستعده فأى وقت وفأى لحظه ومتخافيش محدش هيفتشك ولا هيقولك افتحى شنطتك
7-بالنسبه للتاكسيات تانى متركبيش مع تاكسى ويكون فيه واحده راكبه معاه لانها فالغالب بتكون تبعه
8-الناس اللى بتسافر سواء رجاله او ستات بقى حصل ان بيلاقو عالطريق حد مرمى قدامهم فبينزلو يشوفوه وفجاه يتلاقو ناس طلعت من الجنب ياريت تخلى بالكو كويس اوى
9- احذرى من قياده السياره بالليل و اى حاجه تقذف على زجاج العربيه اذا كان بيض او ما شابه اوعى تشغلى مساحه العربيه او تقفى -- كملى سواقه لمسافه كافيه و تأكدى ان مافيش حد واركى قبل ما تقفى -عشان بيتم قذف البيض بهدف تلطيخ زجاج العربيه - و بينتهى الامر بسرقه العربيه - او خطف البنت كمان و الموضوع ده اتكرر كتير جدا فى مدينه نصر
10- طبعا النصايح العاديه محدش يقولك شيلى دى او ساعدينى فدى او تعالى امسكيلى حاجه الخ الخ الخ
11- تم رصد حالات كتير بيتم فيها خطف الشنط من الايدى عن طريق واحد بيبقى على موتسكيل .. و خصوصا لما تبقى مليانه او منظرها ملفت .. ياريت الكل ياخد باله من اللى بيشله فى الشنطه عشان لقدر الله او اتاخدت منك .. متبقيش خسرتى كتير
واللى عنده اى نصيحه تانيه ياريت يقولوها وانا ازودها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ شــرح عمــل سبــراى رذاذ الفلفــل للاستخــدام فــى الحمايـــه https://www.youtube.com/watch?v=zuFVUDzjEWw ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لاتنســــــــــــــــــــى نشـــــــــــــــــــر الايفينـــــــــــــــت لعــلك تكـــــــــون السبـــــــب فــــــــى انقــــــــــاذ انســـــــان اللهــــــــــــــــم بلغنــــــــــــــــــا ... اللهـــــــــــــــم فاشهـــــــــــــــد
___________________________________________________________ | |
|
Relina مشرفة
تاريخ التسجيل : 21/08/2010 العمر : 26 الموقع : https://fatayat1.own0.com/
| موضوع: رد: تحذير لكل فتاه - هام جدا و يرجى النشر الخميس مارس 10, 2011 8:36 am | |
| تسلم ايدك ويارب يحفظنا ويحفظ بنات المسلمين | |
|
NORA AMR الادارة
تاريخ التسجيل : 05/07/2010 العمر : 26 الموقع : https://fatayat1.own0.com
| موضوع: رد: تحذير لكل فتاه - هام جدا و يرجى النشر الخميس مارس 10, 2011 8:42 am | |
| الهم امين يا رب العاليمن منورة يا سهلولة | |
|
sara_shahat2008 عضو جديد
تاريخ التسجيل : 27/01/2011
| موضوع: رد: تحذير لكل فتاه - هام جدا و يرجى النشر الخميس مارس 10, 2011 11:08 am | |
| بجد ربنا يوفقك نصائح تحفة | |
|
NORA AMR الادارة
تاريخ التسجيل : 05/07/2010 العمر : 26 الموقع : https://fatayat1.own0.com
| موضوع: رد: تحذير لكل فتاه - هام جدا و يرجى النشر الخميس مارس 10, 2011 12:02 pm | |
| الله يخليكى يا جميلة منورة يا حبى | |
|
mariam عضو مثالى
تاريخ التسجيل : 04/03/2011 العمر : 27
| موضوع: رد: تحذير لكل فتاه - هام جدا و يرجى النشر الأربعاء يونيو 29, 2011 8:26 am | |
| الف شكر يا حببتى ربنا يحفظنا كلنا يارب | |
|